Hoërskool  Stellenberg
Stellenberg  High  School
Hoërskool  Stellenberg        Stellenberg  High  School

Vanjaar neem Hoërskool Stellenberg aan vier debatkompetisies deel. Die WOW-Debatkompetisie vind op 10 Maart 2018 in Stellenbosch plaas. Slegs een seniorspan (drie leerders) en een juniorspan (drie leerders) kan inskryf. Verlede jaar het Hoërskool Stellenberg se span tweede gekom in die afdeling vir ervare debatteerders.

In Mei-maand kan een junior- en een seniorspan ook aan die Dink-of-Sink Forumdebatkompetisie by Hoërskool D.F. Malan deelneem.

Verlede jaar het Hoërskool Stellenberg baie goed gedoen in die jaarlikse ATKV-Debatkompetisie. Twee juniorspanne en vier seniorspanne het na die Wes-Kaap finaal deurgedring en een senior- en een juniorspan het aan die welbekende landswye ATKV-finaal deelgeneem.  Net soos in die verlede word slegs ses juniorspanne (drie per span) en agt seniorspanne (twee per span) toegelaat.

Die administratiewe organisasie word deur me. Zandra Duvenhage hanteer terwyl die junior- en seniorspanne deur mev. Hilde Rensleigh en Bennu Viljoen afgerig word.

Die ATKV-kompetisie vereis intense navorsing en voorbereiding. Dit bly egter 'n aktiwiteit wat vaardighede aanleer wat nie net met mondeling help nie, maar ook met latere navorsing (veral by universiteite). Dit is veral 'n aanbeveling indien jy in die regte wil gaan studeer.

Vanjaar vind die eerste rondte in Mei 2018 plaas.

Gedurende die derde kwartaal neem twee seniorspanne en een juniorspan ook aan die Interskole Debatkompetisie deel waar Hoërskool Durbanville en Hoërskool Stellenberg kragte meet.  Verlede jaar het beide ons seniorspanne met die louere weggestap!

 

Kontak gerus vir me. Duvenhage (This email address is being protected from spambots. You need JavaScript enabled to view it.) of me. Rensleigh (This email address is being protected from spambots. You need JavaScript enabled to view it.) indien u enige navrae het.

 AFRIKAANSE DEBAT 6 x 9 No Frame1

 

 

 

Vir Gebruikers

Log in

Login to your account

Username *
Password *
Remember Me
Top